|
現今有不少長輩都要幫忙湊孫，從中解決新手父母所遇到的「棘手」問題。好似前無綫新聞主播蔡雪瑩（Snowy）的媽媽，以前任職公務員，現已退休，除了主力跑馬拉松之外，閒時湊孫為樂，她更修讀陪月課程來增進育兒知識，再融合自己的經驗，取長補短。蔡媽媽更傳授湊仔經驗給女兒，令孫仔的起居飲食被照顧周到。而Snowy對管教囝囝方面亦有全盤方法，暫時採用中庸之道，希望囝囝好好享受快樂的童年，至於將來會否變成「怪獸」媽媽？似乎還是未知之數。
學陪月湊孫
前無綫新聞主播蔡雪瑩（Snowy），去年下嫁上市公司亞洲木薯太子爺朱威霖（William），老爺是全國政協委員。嫁入豪門不久，Snowy便誕下麟兒Wesley，雙喜臨門。一歲大的Wesley，活潑精靈，性格屬急進混合冷靜觀察型，「佢似老公性格心急，但又會好冷靜去觀察，如去到新地方，會周圍望，見到新玩具車會睇?點玩，然後就逼你同佢玩。」
作為新手媽媽，Snowy照顧得兒子頭頭是道，全靠媽媽的得力幫忙，更大讚媽媽與時並進，為湊好孫兒讀陪月班，「媽媽係一個不停學習?人，當年媽媽特登去讀陪月課程，來湊我哥哥?仔女。我生完囝囝，媽媽成日過來幫手湊BB，我個陪月會經常話畀媽媽知最update?湊仔方法，佢都會好接納，唔會墨守成規，所以我都好佩服佢。」
Snowy在媽媽身上學習了不少湊仔的技巧，實用又貼心，「囝囝四個月時，我要成晚起身餵奶，媽媽就教我夜晚十一點幾十二點，一定要畀佢食一次奶，咁樣BBB就會五、六點先起身，我就可以瞓多少少。最近，囝囝有兩聲咳，媽媽又教我畀蜂蜜佢飲，等佢潤嚨。」除了平時幫手打理丈夫的生意之外，Snowy將全副心機放在兒子的身上，感受當媽媽的滋味，憶起兒子的一舉一動都會心微笑，「囝囝以前一路飲奶一路瞓覺，試過未嗝到嗰啖氣就放佢落去瞓，點知佢不停扭計，要我抱佢起身嗝返啖氣出來，先瞓到。」
灌輸價值觀
雖然兒子年紀尚小，但Snowy已開始管教兒子，一切由身教開始，先從禮貌入手，「我覺得禮貌係好重要，我哋同老爺奶奶住，每朝早我會抱囝囝去同佢哋講早晨，出街有人同佢玩，我都會教佢同人Say hello，見到看更伯伯會打招呼。」此外，Snowy表示會給予兒子無限自信，放膽讓他接觸新事物，難怪Wesley去Playgroup學打觔斗、玩單槓，都毫無懼色，「佢開始學行時，我同丈夫一人企一邊，不停鼓勵佢行去對方度，讚佢『好叻』，就算佢行行?跌倒，佢都識爬起身再行過；同埋，每日會同佢照鏡，喺鏡前同佢講：『邊個嚟㗎？咁靚仔?。』佢現在照鏡都會覺得自己好靚仔，好有自信心。」
同時，Snowy會讓好奇心重的兒子，在安全的情況下進行探索，令他領悟對錯，「我哋間房有個喇叭，佢好鍾意拎住連接?綫嚟搖。我同佢講唔可以掂，佢當然唔聽，我由得佢玩。後來，佢整到有支嘢跌咗落嚟，等佢知道係唔啱。」身旁的蔡媽媽贊同女兒的做法，亦鼓勵女兒多與孫仔溝通，「小朋友細個唔識對錯，做父母要有耐性引導，要多同子女溝通和互動，好似我當年成日同Snowy傾偈。佢雖然好活躍，但都好乖，如果做錯嘢，我唔會打佢，會同佢講道理，慢慢引導佢。」
採中庸之道
Snowy自小讀書叻，中三時已有八級鋼琴造詣，她坦言最初也有點「怪獸家長」，會向兒子朗讀一些英文字卡，後來發覺兒子不理會自己，於是便調節過來。她與丈夫有共識，現階段希望盡量讓兒子喜歡學習，以及有一個開心快樂的童年，「佢現在返兩個Playgroup，我同丈夫都想鋪條路等佢讀到一所好學校，但唔想佢咁細個就怕讀書，人生有好多時間讀書，佢呢個年紀做咩都開心，所以唔想逼佢學好多嘢。」
Snowy表示已開始為兒子留意學校，目標是傳統學校，「我同丈夫都係讀傳統學校，覺得喺香港唔會學唔到英文，等佢大個，會送佢去外國讀書，所以想佢打好中文基礎，始終中文好重要。」Snowy滿肚密圈，有齊全盤育兒大計，為囝囝開拓一條快樂成長的路。
本文摘自2017年8月23日《東周刊》 親子天地
|
|
|
|
