|
84年選港姐得季軍入行的唐麗球（波波），03年跟拍拖十年的藝人吳毅將結婚， 同年誕下一女梓希（Janelle），自此退出娛圈在家相夫教子，做個全職媽咪。與現年十二歲、剛升上中一的女兒相處，波波坦言自己向來較好相與，覺得跟個女做個friend，會較凡事規行矩步更有效，「我唔會用教佢?方法，要佢咁樣咁樣；反而會用多啲古仔、實證、經驗同佢傾，咁佢就會聽入耳，變咗大家好似朋友咁囉！」媽咪寬鬆，好在另有爸爸填補，吳毅將在女兒心目中是個嚴父，波波說：「男人成日覺得，女仔更加唔可以畀人蝦，要be strong，be tough，想佢快啲獨立，所以咪嚴啲囉！」兩公婆連教女都一凹一凸，難怪婚後十二年，一直恩愛如昔！
全職湊女
唐麗球（波波）當上媽咪之前，公認是個大懵大頭蝦的人，朋友更曾笑言，擔心她有日帶BB出街，會忘記帶回家。不過，女人的母性，原來可以讓一個人徹底改變，事實證明女兒出世以後，波波不僅學懂照顧別人，更較從前思慮周詳，是個完全稱職的媽咪。
自誕下女兒梓希（Janelle）後，波波自此退出娛樂圈，全職湊女，轉眼女兒今年經已十二歲，並升讀中一。如何幫女兒選校？她直言較其他家長隨緣，不想女兒讀書有太大壓力。
選校尚且如此，何況是課外培育呢？梓希是滾軸溜冰高手，但現在轉而專注於打乒乓球；學習鋼琴丟低已久，直至近兩年自己提出想再學琴，媽咪也由得女兒自己決定。波波解釋：「逼佢學冇用?，佢自己唔鍾意盞嘥錢，仲嘥我啲時間跟出跟入做『跟得媽咪』。如果佢自己提出話要學，就爭好遠，一定有心機好多。」最近屋企的工人姐姐放假，波波訓練囡囡自己做家務，也不採取威逼手段，改以利誘，洗一次廁所五蚊、兩次十蚊，梓希亦能順利完成任務。
波波的教女心得，是跟女兒做朋友，經常會帶同女兒跟自己的朋友聚會，一起Gathering。她又會經常跟女兒分享經驗和故事，以實證來讓女兒明白事理，「我唔會用教佢?方法，要佢咁樣咁樣；反而會用多啲古仔、實證、經驗同佢傾，咁佢就會聽入耳，變咗大家好似朋友咁囉！」
嚴父慈母
遇?女兒不聽教、不聽話，波波不會一味打、一味鬧，她說：「好彩個女只係久唔久一次半次激我啫！好激氣嗰陣我唔會講住，因為大家都嬲係講唔到嘢?；我會等大家冷靜咗先；跟住等到夜晚或者臨瞓先再同佢傾番，咁樣會好啲。」有幾次，梓希激親媽咪，更會寫紙仔向媽咪認錯，這已叫波波感覺窩心，迅即怒火全消！
近年，吳毅將都專注內地拍劇、登台搵錢，父女相處的時間不多，所以兩公婆曾有言在先，若發現女兒有任何問題，寧願媽咪出面做醜人，讓吳毅將做個好人爸爸。不過，相對而言，爸爸始終較媽媽對女兒管教更嚴厲，波波說：「男人成日覺得，女仔更加唔可以俾人蝦，要Be strong和Be tough，想佢快啲獨立，所以咪嚴啲囉！」爸爸在家時，對女兒日常生活的自理能力都要求嚴格，例如：執?、閂廁所門、放好拖鞋等都是基本規矩，要求女兒必須遵守。
去年暑假，吳毅將正好不用返內地開工，可以留港多陪女兒游水、遊船河。平常游泳不差的梓希，遺傳了媽媽的細膽個性，一直衝破不到心理關口，不敢游出浮台。而媽咪都是膽小之人，對女自然不會有太高要求，但爸爸在身邊，情況卻完全不同。經過爸爸的一番鼓勵後，梓希鼓起勇氣衝破心理障礙，亦終於成功游出浮台。事實證明，兩夫妻的教養方法各有各好，取長補短正好互補對方不足。
波波說：「其實爸爸係嚴，但好錫個女錫到燶，要乜都實畀個女咁滯，我就樣樣都No唔買?。所以，個女買嘢、食嘢會搵爸爸；傾偈、去玩就會搵阿媽！」就連囡囡都摸清爸媽各自不同的脾性，正是一個凹、另一個凸，或許這才是世上最天衣無縫的組合！
本文摘自2015年10月21日《東周刊》 親子天地
|
|
|
|
