|
丁子高（Real）與楊千嬅是娛樂圈曝光率頗高的藝人夫婦，連帶三歲大的兒子（Torres）亦成為傳媒追訪的焦點。
原來丁子高對兒子的管教採取中庸之道，游走於嚴厲和寬容之間，可是在小小兒子的心目中，他卻是一名不折不扣的嚴父。事例一則： 以前丁家中設有Naughty Corner（頑皮閣）來讓兒子反省，如今只要兒子做了頑皮事，Real望一望或叫一聲，兒子便會立即變乖。
不過，Real平時與兒子亦打成一片，經常與他到處去玩，跑跑跳跳，接觸大自然，更逐漸帶兒子參加慈善活動，培養他服務人群之心。
怪獸
丁子高（Real）由當年的VRF樂隊成員，轉職公關，及後認識了比自己大五年的「烈女」楊千嬅，型男配「烈女」，這段姊弟戀最終開花結果 。兩人在09年結婚，轉眼間兒子丁進諾（Torres）亦已經三歲大，得意精靈。丁子高當了父親後，多了一份踏實感，對管教兒子亦甚有心得，他更揚言自己是中等怪獸家長，「香港人將啲家長稱為怪獸家長，其實係香港令家長變成怪獸，佢哋都唔想，係為咗迎合呢個社會架構；而我係將社會要我哋班家長?想法降低一半，再加埋hea家長嗰邊升一半，走中間位，所以對個仔唔會太嚴亦唔會太hea。」
Real坦言不會壓迫兒子，在家雖是擔當衰人的角色，但他反對體罰，並凡事都會向兒子講道理。以前，家中房間的一角設有Naughty Corner（頑皮閣），令他兒子有思過反省的地方。「記得嗰次佢太頑皮，推啲嘢落地下，講極都唔聽，於是我拉佢去Naughty Corner；同佢講咗成個鐘頭道理，佢當時好驚，震晒咁，但我都要佢聽，要佢記得。」
不過，這個Corner暫時關閉，因為醒目且心思細密的Torres，只要爸爸望一望或叫一聲，便會乖乖就範，「我喺佢心目中係好惡?爸爸，佢有時做啲頑皮嘢，我望一望佢，佢就即刻停手，有時我未望佢，佢已經講『Daddy is angry』；佢鍾意玩iPhone，有時會醒目到?咗部電話匿埋一個以為我見唔到佢?地方睇，太太叫佢唔好玩，佢唔理，我只要一叫『Torres，唔可以再睇，對隻眼唔好。』佢就立刻交番部電話出嚟。」
成長
在管教上，平時Real還會灌輸正確的價值觀給兒子，觀察兒子的性格和成長，作出適切的配合，「𠵱家啲小朋友接收資訊好快，可能喺幾日內學咗好多嘢，而我哋都唔知，所以要陪佢一齊成長，但當然唔係控制佢，亦唔係好似填鴨式咁，而係因應佢?性格去栽培佢，灌輸佢正確?價值觀。」
所以，Real細察兒子的性格，然後安排興趣班給他參加，兒童歷奇班是其中一項，主力訓練兒子聽從指令和手腳協調的能力，「佢跳跳紮冇時停，所以呢個暑假開始，畀佢參加個programme等佢可以放?電，每堂去都要完成唔同task，好似要用腳跳五次，再竄入個窿度。主要係要訓練佢聽指令，身體同手腳協調及平衡咁，亦等佢知道要守規矩，要集中精神同盡力去做一件事，唔好放棄，等佢有個目標。」游水和畫畫亦是Torres的興趣所在，「佢兩歲開始已經學游水，佢都好鍾意游水，已經識得潛水，𠵱家一星期學五堂，啲皮膚都同我一樣曬到咁黑；畫畫就係幾個小朋友跟個老師學，佢特別鍾意畫水彩，因為一pat pat有得搞。」
基因
此外，Torres樂於與人溝通，這點Real亦有所洞察，亦由此推敲到兒子將來可能會選擇一些與人有關的工作呢！ 「佢唔鍾意車仔、動物?玩具， 而係玩Playmobil系列?玩具，佢會自己編排唔同公仔?角色，邊個係媽媽，邊個係爸爸，每個公仔都有晒性格。」或許遺傳了千嬅的音樂基因，兒子也很喜歡音樂，對音樂甚有天分，「佢音樂感好重，細細個我講一句嘢，佢好快可以講番出嚟，佢而家識唱晒千嬅啲歌，同最鍾意唱郭富城?《唱這歌》、兒歌同印度文?歌，所以我覺得佢喺音樂方面絕對有天份，等佢大啲會畀佢學唱歌同彈琴。」
正如Real所言，平時太太主力看守兒子的起居飲食，而他則負責與兒子玩樂，喜歡跑步的他，近年積極練跑，每星期跑三次，每次起碼十公里，他更於十月份參加「小母牛競步善行2015」十公里賽事，「平時都有同個仔跑來跑去，帶佢去行山、行下水塘，等佢接觸下大自然。」Real亦逐步感染兒子做善事，培養服務他人的寬宏之心，做個有擔帶的真正男子漢。
本文摘自2015年9月2日《東周刊》 親子天地
|
|
|
|
