|
港人健身追求型格和私隱，泰拳王「風之子」?霖睇準商機，兩年前在中環開設Fight Factory Gym Ltd總店，標榜一對一專人操練，加上自己在拳壇的名氣，結果一擊即中，吸引明星梁漢文、Janice Man等幫襯，月賺逾五十萬元。今年8月，杜恆霖乘勝追擊，夥拍金利豐（1031）營運總監呂錦傑（Jammy）等人， 在銅鑼灣開設逾七千呎分店。Jammy在金魚缸相識滿天下，又經常在社交網頁表演操肌「真人騷」，引起財經界名人如股評人鄧聲興、詹培忠兒子詹劍崙等關注，齊齊入會操fit自己。
10月，記者到達銅鑼灣的新分店，聽到不少學員「激戰」的搏鬥聲，相當熱血，「仲有五分鐘，頂埋落去！」、「唔得啦！好想轉身走！」三年前，杜?霖在灣仔開設拳館，只有四個全職教練，夾着「拳王」名氣，不少學員慕名而來，當時每月已勁賺九萬元，可惜競爭太大，難以長期維持。「香港有過百間拳館，因為開業門檻好低，多數開喺樓上鋪，貪租金平。好多拳館教練話贏過比賽，但網上完全查唔到，連相片都無！」
為求突圍，他不怕捱貴租，兩年前豪擲約五百萬元，由月租三萬五千元的樓上鋪，搬到四十萬元月租的中環域多利皇后街地鋪，成為全港第一間地鋪拳館，一心搶攻捨得花錢的高收入專業人士，引入美國特許經營拳擊品牌「HAYABUSA」打響名堂，甫開業每月盈利至少五十萬，不用一年就回本。
星級一對一服務
今年3月，杜?霖結識客仔之一Jammy，對方過往只在會所做運動，沒有教練指導下「死操」，一直做不成「大隻佬」，轉會後慢慢見到效果，開始由一星期操一次加至三至四次，跟杜?霖多了見面和交流機會，知悉他想搵投資者發圍，於是一拍即合。
Jammy不單出錢出力，還搭路引入金利豐老闆「朱太」朱李月華做股東。搵到大水喉後，杜?霖決定選址銅鑼灣波斯富街地舖開分店，貪交通較方便，附近有不少商業大廈和大型健身中心，不愁客路，「旁邊的餐廳、酒樓老闆都有入會健身。」
今年8月銅鑼灣分店開張時，朱太亦有捧場擔任剪綵嘉賓，「朱太了解Fight Factory Gym的生意模式後，認為這盤生意有錢途，於是投資八位數字，支持吓年輕人發展事業！」杜?霖說。
為殺出血路，他重金引入多名星級教練做生招牌，包括「蜘蛛女」鄭麗莎、泰拳超新星Sangmanee Sor Tienpo等，提供一對一服務，結果吸引不少城中名人慕名而來。「好似渣打銀行金融機構業部大中華及日本區董事總經理Margaret、百利保董事范統、『金勞詹』兒子詹劍崙、股評人鄧聲興等，都先後來過打拳或健身。」
眾多名人中，男明星以梁漢文最勤力，即使身上有傷也會堅持操練，女明星則對Janice Man文詠珊「好打得」的身手印象最深，拍照六嚿腹肌盡現眼前，「Chilam同靚靚都有來打拳，一齊上堂時表現甜蜜！」
靚仔靚女冧客
杜?霖透露，健身中心現時有超過三千名會員，約六成為男士，月費八百多元起，視乎每周使用次數和服務而定，但最吸金是單對單健身或武術課程，約佔總收入七成，月費和產品銷售分別佔兩成和一成。「目標是兩間店營業額有五百萬，扣除開支、員工薪金和佣金，淨賺約一百萬，希望一年內回本。」星級教練畢竟供應有限，杜?霖於是學「補習天王」，找來一批有潛質新人培訓改造。館內的教練無論正在湊客操練或等埋位，都愛照鏡子觀察自己的樣子和身形，杜?霖亦不例外，「咁咪啱囉，證明每個人對自己都好有要求！」
「每個教練上完單對單課程，都有額外佣金收入。」他笑言專請靚仔靚女，從不擔心請不到人，隨手打開facebook和WhatsApp給記者看，「每日都有人上門自薦，問我請唔請人。」現時新入行的教練底薪連佣金平均二萬至十萬元不等，視乎客人數目，「拆帳比例按經驗年資而定，一般五十五十。我一向主張多勞多得。」
做老闆當然想盡快回本，但杜?霖眼見坊間不少健身中心過度擴張，所以一直提醒自己要穩打穩紮，每間分店要上軌道和有穩定管理團隊，才可再擴張，「公司現時每月現金流過百萬，有能力隨時在旺角再開分店。」
本文摘自2014年10月29日《東周刊》生意經
|
|
|
|
