|
生兒育女並不是理所當然的事，正如現年四十三歲的無綫藝人李漫芬（Fanny）。去年結婚後，Fanny很快便懷有身孕，令她大為感恩，「本身我同丈夫都順其自然，但囡囡係天賜?禮物，好感恩佢喺最適當?時候出現。」Fanny更深得丈夫的寵愛，事事對她照顧有加；而她作為新手媽媽，在照顧囡囡方面，很快上手，對將來如何管教女兒亦早有方針。她會以培養品德為最重要的部分，希望囡囡將來成為一位有品、有禮及孝順長輩的好人，如同她和丈夫一樣呢！
丈夫體貼照顧
無綫藝人李漫芬（Fanny）口才了得，採訪娛樂新聞的拼勁，深入民心。去年2月，她與任職游泳教練的Alvin結婚，7月便證實有喜。她難掩喜悅之情，視BB女是天賜的禮物，並覺得BB女來得正合時，「當時同公司轉了合約，主力拍劇，去年7月《大帥哥》仲有幾日就拍完，原來已有咗一個月。」懷孕期間，她仍有繼續拍劇、做宣傳，忙個不停，直至3月做完花卉展的主持才停工，迎接小生命的來臨。
丈夫Alvin由Fanny懷孕至坐月期間，包辦所有家務及湊BB，她笑言丈夫好似返兩份工般，言談中流露感激之情，「除了洗碗之外，所有家務我都唔使做，丈夫將原本高位置?物件都放回水平綫，等我可以拎到；我坐月時全部都要用熟水，唔可以掂生水，佢幫我處理晒，無埋怨過一句。如果佢第二日唔使返早更，仲會主動餵奶，等我可以瞓耐啲。」所以，有時丈夫打機打得夜，Fanny都隻眼開隻眼閉。
湊女容易上手
除了有丈夫幫手湊女之外，Fanny亦得到擅長做陪月的奶奶悉心照顧，而她亦一早有所裝備，上網、看書，及友人傳授的育兒心得，兼收並蓄，「只要有心一定識，好似同BB沖涼，只要放膽去試，做多幾次一定得。其實唔係好難。BB而家不知幾鍾意玩水，最緊要同BB多溝通。」加上，作為新手媽媽，Fanny很快便能分辨出BB哭聲的真偽，「佢扭計，想你同佢傾偈?喊聲係冇眼淚，但肚餓時喊出來?眼淚，好似粒豆咁大。」
講到照顧BB的趣事，Fanny笑言最深刻是換片的經歷，「記得最初抱佢埋身餵母乳，食完奶佢喊，同佢換完片又喊。原來BB可以屙完即刻又再屙，佢換完片又即刻屙咗，所以要再換片；試過同佢換緊片時，佢『斟茶』畀我飲呢！」
經歷種種人母才能體會的事情，Fanny亦體驗BB成長的點滴，「佢兩個多月時，已經識得用手頂住支奶樽，食飽會識得用手推開你，真係好神奇，咁細個就識咁做。」自從生了寶貝女之後，Fanny心態上亦來個大轉變，如今事事以BB為先，就連自己的生日禮物亦專攻BB禮物。
重視培養品德
在管教上，Fanny坦言以培養囡囡品德為首，「我爸爸教我讀書叻唔叻講天資，但做人最緊要有品德、有禮貌、孝順父母，上天一定會Reward你。」所以，她一向待人友善有禮，亦會以身作則，主力培養女兒要有禮貌、孝順長輩。她坦言自己不是緊張媽媽，打算將來會讓女兒多接觸不同的事物，不會強迫她上興趣班，「但好肯定佢係好動型，因為佢成日啲手腳都郁來郁去，又成日要同人交流。」
Fanny處處流露愛女之情，對教養女兒心中亦有初步藍圖，相信她必定是一位盡責和有愛的好媽媽。
本文摘自2018年7月25日《東周刊》B114-115親子天地
|
|
|
|
